يا بنااات كل وحده اتدش وتكتب وجهه نظرها ابهالموضووع ^_^

السلام عليـــكم

نظرا لاهمية هذا الموضوع حبيت افتح باب للنقاش فيه وجانزيين كلكم تتفاعلون معانا ابهالموضوع وتقولون رايكم ووجهات نظركم بصراحة لتعم الفائدة للجميع.

في حياتنا اليومية حين نُسأل عن رفيق غالبا يكون الجواب (هذي فلانه صديقتي) ... <<..لكـــن Exclamation

..>> هل هالبنيه هذي فعلا تحمل معنى الصداقة الحقيقيه Exclamation

ام هلكلمة صارت تستخدم في غير محلها؟؟

ما مفهومج الشخصي عن الصداقة؟؟

تعتقدين في فرق بين الصاحب والصديق؟ واذا كان في فرق فشنو اهوا؟

هل تنقين اي بنيه تكون صديقتج؟ او هناك اسس وقواعد تختارينها لازم اتكون فيها؟ وان كانت هناك اسس وقواعد فشنو اهيا؟

هل تعطين ثقتج الكاملة لصديقتج ام تعطينها جزء منها؟وليش؟

انزين.. لمن تختارين صديقاتج.. هل توقفين عند عدد معين من الصداقات؟! وليش!!

ومنو اقربلج صديقتج ولا اختج!!

واذا حاشج موقف وتعرضتي لخيانة من صديقتج فعلى من تلقين اللوم عليها او على نفسك او على منو؟

اتمنى يعجبكم الموضوع ونستفيد كلنا من مشاركاتكم واراءكم ابهالموضوع..

Rolling Eyes

انطر ردوودكم يا حلويين Rolling Eyes

تمنياتي لكم كلكم بالتوفيييج انشاللله Very Happy

اختكـــم:- MisS_Kwt

1. بما إني قلت عنها صديقتي .. أكيد تحمل معنى الصداقة.. وإذا كنت أعرف البنت علاقة سطحية تفرق عن الصديقة.

2. مفهومي أهم شي الثقة بين الصديقات والتعاون ومحبة وإبتعاد عن الحقد..

3. اكيد في فرق صاحبة مثلًا ممكن تعرفين عليها في مدة قصيرة من نادي أو غيرة وبعدها تنتهي العلاقة بينكم.. أما صديقة تكون صديقة الروح دايمًا تسألين عنها تسأل عنج..

4. أكيد أختار صديقة المناسبة لي.. تكون قريبة من تفكيري وأسلوب أو طبعي .. مثلًا تكون خلوقة ..

5. جزء من الثقة أو ئقة كاملة.. لأسباب كثيرة.. وتفرق من صديقة لي ثانية.

6. أكيد أوقف عند حد معين من صديقات.. تحاشي المشاكل.

7. ماعندي اخت كبري.. فا صديقة اقربلي.

8. الحمدلله ماشفت شي من صديقاتي لحد الان وإذا صار شي أكيد بيكون من وحدة ماتهمني.

الموضوع حلو

ما مفهومج الشخصي عن الصداقة؟؟
الصداقه شي عظيم وعلاقه مهمه لكل انسان ..
ما أعتقد في شخص عاقل مايتمنى صديق صدوق وعلاقه
صداقه في أخلاص وحب ..
الصداقه أسمى العلاقات في نظري ..

تعتقدين في فرق بين الصاحب والصديق؟ واذا كان في فرق فشنو اهوا؟
اكيد في فرق ..
كل الناس اللي تقابلهم بحياتك وتبني وياهم علاقه موده وسطحيه يسمى صاحب ..
أما الشخص اللي تحس روحك تحس بروحه بينكم أخوه بالله وحب طاهر سامي بدون مصالح هذا الصديق..
هل تنقين اي بنيه تكون صديقتج؟ او هناك اسس وقواعد تختارينها لازم اتكون فيها؟ وان كانت هناك اسس وقواعد فشنو اهيا؟
لا طبعا اللي تكون صديقتي لازم تكون فيها الأخلاق الزينه و طباع الشخصيه اللي تتوافق وياي ..
ومن الصفات اللي أهتم فيها الطيبه والصدق الامانه ماأحب الشخص اللي كل كلامه جذب وخداع ومهم عندي وازعها الديني مهم انها تصلي وتخاف الله ..
وتصرفاتها اللي تسويها تخاف من ربها فيها ..
و المهم انها تحبني وتحترمني ..
مايفيد حب من غير أحترام...
هل تعطين ثقتج الكاملة لصديقتج ام تعطينها جزء منها؟وليش؟
بالأول أعطيها جزء بس إذا شفت أنها تستاهل ومعطتني الثقه ليش لا ..
أكييد أعطيها afro

انزين.. لمن تختارين صديقاتج.. هل توقفين عند عدد معين من الصداقات؟! وليش!!
أممم سؤال وايد حلو ..
لا بالعكس أتمنى يكونون رفيجاتي وايد ..
بس يختلفون بالمعزه بقلبي ويختلفون من ناحيه أني أأمن حق كل وحده ..

ومنو اقربلج صديقتج ولا اختج!!
صديقتي لان ماعندي خوات

واذا حاشج موقف وتعرضتي لخيانة من صديقتج فعلى من تلقين اللوم عليها او على نفسك او على منو؟
عليها أكيد ..

يعطيج ألف عافيه على الطرح المفييد

ما مفهومج الشخصي عن الصداقة؟؟

الصداقه علاقه ساميه ومهمه لكل انسان محد يقدر يعيش بدون اصدقاء الا شخص عنده مشكله بالتاكيدتعتقدين في فرق بين الصاحب والصديق؟ واذا كان في فرق فشنو اهوا؟

طبعا فيه فرق الصديق علاقته تكون اقوي واتوقع ان الاصدقاء الحقيقين يكونون نادرين على عكس الصاحب الصاحب فتره وتنتهي العلاقه
هل تنقين اي بنيه تكون صديقتج؟ او هناك اسس وقواعد تختارينها لازم اتكون فيها؟ وان كانت هناك اسس وقواعد فشنو اهيا؟

طبعا يكون فيه اساس لاختيار الصديقه واتوقع اهمها انها تكون قريبه من تكوين شخصيتي عشان تفهمني وتقوى العلاقه
هل تعطين ثقتج الكاملة لصديقتج ام تعطينها جزء منها؟وليش؟

طبعا مااعطيها الثقه الكامله على طول الثقه تجي بعد وقت

انزين.. لمن تختارين صديقاتج.. هل توقفين عند عدد معين من الصداقات؟! وليش!!

انا افضل الصداقات تكون محدوده لانه كلما زادت الصداقات اتوقع ان العلاقات تكون ضعيفه وسطحيه
ومنو اقربلج صديقتج ولا اختج!!

الصراحه اختي اقرب لانه اختي مهما صار مستحيل تغدر بي
واذا حاشج موقف وتعرضتي لخيانة من صديقتج فعلى من تلقين اللوم عليها او على نفسك او على منو؟

على حسب الخطاء من مين اذا كان مني الوم نفسي لانه موعدل الومها وهي مو غلطانه واذا كان منها الومها هي طبعا

ثنكيو ع الموضوع

بسم الله الرحمن الرحيم ..
واليك الجواب يا اختي الفاضله ..

* ما مفهومج الشخصي عن الصداقة *
الصداقة هي عبارة عن اتفاق بين شخصين يتعاهدون فيها بالصدق وحفظ الاسرار ومساعدتهم لبعضهم البعض .

* هل تنقين اي بنيه تكون صديقتج؟ او هناك اسس وقواعد تختارينها لازم اتكون فيها؟ وان كانت هناك اسس وقواعد فشنو اهيا؟ *
الصديقة الدائمة يجب ان تختار على اسس صحيحه منها شخصية متفاهمة قريبة من شخصيتي صادقة وفيها من الاخلاق الحميدة الشيء الكثير والسمعه الطيبة .

* هل تعطين ثقتج الكاملة لصديقتج ام تعطينها جزء منها؟وليش؟ *
مادمت اخترتها صديقة اذًا انا اثق فيها ولكن الثقه في حدود الصداقه .

*انزين.. لمن تختارين صديقاتج.. هل توقفين عند عدد معين من الصداقات؟! وليش!! *
الصداقات المحدودة افضل .. لمحاولة فهم الطرف اما اذا تعددت الاطراف راح يصير فيه تشتت في العلاقات .

* ومنو اقربلج صديقتج ولا اختج!! *
الصديقة المخلصه بمثابة الاخت لي .. بس الاخت اقرب بما فيها الحياة والعيش تحت سقف واحد

*واذا حاشج موقف وتعرضتي لخيانة من صديقتج فعلى من تلقين اللوم عليها او على نفسك او على منو؟*
طبعا احكم على الموقف من نظرة من الشخص المخطيء وبذلك افهم الموضوع واعرف على من يسقط اللوم .

ولك جزيل الشكر

1- الصداقة معناة الحب والاخوة في الله يعني ما ورا هالصداقة اي مصلحة وابهالحاله تسمى صداقة ..

2-اكيد في واسس . انقيها تكون تفهمني تقدرني ابينه مادبة زينه خلوقه محبوبة من الناس تحترمني ..

3- لا ما اعطي ثقتي الكاملة حق صديقتي لاني مادري متى راح تغدر فين ومتى راح تكرهني فلازم احذر منها على قولة المثل " احذر عدوك مرة وصديقك ألف مرة " ..

4-اي اوقف عند وحده عشان افهمها عدل وتفهمني ..

5- اكيييييد اختي لانه مثل ما قلت الصديق ماتدرين متى تغدر فييج فاختي اكييد عمرها ماراح تغدر فيني ولا راح تضرني لانها ستر غطى علي ..

6- افهم الموقف بعدين احكم من الغلطان والقي اللوم عليه وبنفس الوقت ما اظلم ارفيشتي افهم موقفها وليش سوت جذي ..

وسلامتج....

miss_evill

اكييد في فرق ..اذا كانت مجرد علاقه سطحيه لاغير فمن الممكن انه تكون صاحبه لاكن لازم انه الحتراس ايكون موجود علشان لا اكون مثل المثل الصاحب ساحب afro

اهوه الأسس من أساس تنقيت الصديق ... بس عن نفسي انه اجوف البنت من البنات الي .... وذا كانت من البنات ألي يستاهلون هالصداقه.
شي أكييييد اني ماأعطيه الثقه الكامله لاكن في مجال اني افتح لها قلبي لاكن بنفس الوقت الحذر واجب ماجذب المثل يوم قال "احذر عدوك مره وصديقك 1000 مره .
انه لايمكن اني اوقف عند حد معين من صداقه لأني انه جتماعيه او من طبعي اني احب الصداقات... كن مدام اني احسنت الأختيار عمري ماراح اواجه مشاكل لا كن غير المشاكل الصغيره
انه ماعندي اخت كبيره لاكن عندي صدقه اهيه اقرب من اخت عندي والحمد الله ما بينه غدر لأني خترته صح لاكن موكل شي اقول لها
أكيد اني لازم اجوف المرضوع وفكر فيه او بعدين بالتفاهم كل شي يصير او بعدين انعرف منو فينا الغلطان

اوهذي وجهت نظري انه و مع جزيل الشكر لج على هذا الموضوع العجيييييييييب sport001

» عبري عن احساسج بكلمه وحده فقط
» يللله بنات كل وحده اتجاوب على اسئلتي ابكل صراحه ^_^